Ǫhndahe-ke gots’ęh Dene amı́ı Dúwé Xáladeda Gots’áhodı

Azhı́ı Ǫt’e

Edı tł’a Góhdlı Ndéhé (NWT) zhı́eh Ǫhndahe-ke gots’ęh Dene amı́ı dúwé xáladeda kaǫndı́h t’ahsı́ı enıdhę t’áh nánde gha saamba t’áh gots’áhodı á ǫt’e.

Edı tł’a amı́ı mets’áhodı énıdé zhundahéh saamba t’áh megha godezhı́ ı́le t’áh kų́ę́ zhágóla gotah nánde gots’ęh Góhdlı Ndéhé zhı́eh azhı́ı gogha thela t’áh meedetáh. 

Saamba Dánéht’ée Megha Thela

Dene dánéht’ée kų́ę́ łı́é zhıh ndádéh, saamba dánéht’é ts’ehtsı, gots’ęh godęę kų́ę́ zhágóla ndádéh gháádé saamba t’áh gots’ágendı. Edı tł’a ndáts’edéh gokų́ę́ gha gots’ęh ı́dı́ı kǫ́né náendı́h t’áh gots’ágendı.

Godųh Gots’ę́ Zǫ Medákáedénıtǫ

Ǫhndahe-ke gots’ęh Dene amı́ı Dúwé Xáladeda Gots’áhodı tł’a łı́é xaye tanonét’e t’áh gots’áhodı á ǫt’e, megha edı̨htł’éh seets’eleh gots’ęh edı̨htł’éh ndaa gedı chu met’áh meghágoeda gha gots’ę́ ats’eleh. Megha edı̨htł’éh seohłeh ts’enıdhę énıdé łı́é xaye k’éat’ah Ehchı̨dhıh Sa łı́é gots’ę́ gogha góɂǫ ı́le énıdé ezhı dzę tł’áah hóozhı̨́ı̨ dúle ats’eleh.

Dáǫndı́h T’áh Dúle Gohéhedetáh

Edı gots’áhodı tł’a Dene kaǫndı́h gha á ǫt’e:

  • Góhdlı Ndéhé Zhı́eh ndáts’edéh honǫ ɂǫ́ǫ́ łı́úlı gots’ęh sųláı honǫ ɂǫ́ǫ́ łı́úlı goghayé thaah gots’ę́ xálaededa gha dúwé, ı́le énıdé
  • Góhdlı Ndéhé Zhı́eh ndáts’edéh ǫhndahe (ehts’ę́ taı honǫ gots’ęh zhundahéh); gots’ęh
  • Saamba dánéht’ée ts’ehtsı ɂǫ́ǫ́ t’ahsı́ı ts’enıdhę

Dáǫndı́h t’áh Megha Edı̨htł’éh Seets’eleh

Megha edı̨htł’éh seets’eleh, Ǫhndahe-ke gots’ęh Dene amı́ı Dúwé Xáladeda Gots’áhodı gha edı̨htł’éh azhǫ seets’eleh, amı́ı ats’ı̨t’e chu gǫndáh ats’edı t’áh megha edı̨htł’éh gogháts’ı̨dhah gots’ęh saamba dándéht’ée ts’ehtsı ECE Servıce Centre gondáh ats’edı t’áh edı̨htł’éh gogháts’ı̨dhah.

ECE Servıce Centre Dene Gots’áhodı gha Eghálaenda dúle edı edı̨htł’éh sets’eleh t’áh gots’ágendı.

Mets’ęh t’ahsı́ı ndaah keots’edı́ɂáh