Azhı́ı Ǫt’e

Ǫhndahe-ke Edekų́ę́ Tłeh Gedéhk’ǫ́ T’áh Gots’áhodı tł’a Góhdlı ndéhé zhı́ıh ǫhndahe saamba łǫ ehtsı ı́le éhsı́ı kų́ę́ tłeh gedéhkǫ́ t’áh gots’áhodı gha á ǫt’e. Dándéht’ée saamba gehtsı̨ gháádé meɂǫ́ǫ́ ǫt’e énıdé ǫhndahe ededı̨ éhsą́ą́ dáodéhtı́ ndáyendı́h gha.

Saamba Dánéht’ée Megha Thela

Ǫhndahe-ke amı́ı Kų́é Zhágóla łą́hę nánde dúle mbets’áhodı énıdé dúle łı́é sa k’éatah Egǫ́chı̨ę Sa gots’ęh Xah Sa gots’ę́ saamba t’áh mbets’áhodı. Ezhı łı́é sa megha saamba thela azhǫ zhet’áhaet’ı̨́ ı́le énıdé dúle zhundahe sa k’eh nı́gų́dhe zhet’áh at’ı̨. Edı yuzhueh ndádátł’éh gháádé megháts’enda tł’a godę ndáts’edéh, saamba dándéht’é ts’etsı gháádé goedetáh gots’ęh dándéht’ée t’áh dúle gots’áhodı á ǫt’e:

Godųh Gots’ę́ Zǫ Medákáedénıtǫ

2024-2025 xaye tłeh ts’edéhk’ǫ́ gha edı̨htł’éh seets’eleh (Egóchı̨ę Sa 2024 – Xah Sa 2025) dúle Xah Sa 1, 2024 gots’ęh Xah Sa 30, 2025 gogeeh hóozhı̨h megha edı̨htł’éh seets’eleh t’áh gots’ę́ ats’eleh.

Dáǫndı́h T’áh Dúle Gohéhedetáh

Edı tł’a amı́ı Góhdlı Ndéhé k’eh ndádéh éhsı̨́ı̨:

• Góhdlı Ndéhé zhı́eh nánde
• Ehts’ę́taı honǫ meghayé ı́le énıdé meɂǫ́ǫ̨́́
• Thahne kų́ę́ mets’ęh gots’ęh ezhı̨ zǫ mekų́ę́ ǫt’e t’áh nánde ı́le énıdé, kų́ę́ k’eh nágoehndı́h t’áh meghǫhnı́et’ǫ ǫt’e énıdé, kų́ę́ meghǫhnı́et’ǫ t’áh nánde godı̨ zhek’eh náehndı́h t’áh nánde tłeh dék’o náehndı́h ı́le
• Kų́ę́ náts’edéh dánéht’ée saamba ts’ehtsı t’áh megháts’ęnda
• Łı́é sa taondét’e megha edı̨htł’éh seets’eleh

Dáǫndı́h t’áh Megha Edı̨htł’éh Seets’eleh

Megha edı̨htł’éh seets’eleh gha, Ǫhndahe-ke Edekų́ę́ Tłeh Gedéhk’ǫ́ T’áh Gots’áhodı gha edı̨htł’éh azhǫ seets’eleh gha góɂǫ. Dándéht’ée goghayé gǫndáh kats’ehɂı̨, kų́ę́ ndáts’edéh saamba dánéht’ée ts’ehtsı, gokų́ę́ ǫt’e ı́le énıdé kų́ę́ k’eh ndáets’ęhndı́h mets’ęh edı̨htł’éh ECE Servıce Centre gots’ę́ kats’ehɂı̨.

Mets’ęh t’ahsı́ı ndaah keots’edı́ɂáh

• Ǫhndahe-ke Edekų́ę́ Tłeh Gedéhk’ǫ́ T’áh Gots’áhodı gha Edı̨htł’éh Megháádé Agot’ı̨