ᓂᖃᐃᑐᕈᑎᖃᕐᓂᖅ ᐃᑲᔫᓯᐊᖅᑖᕐᓂᖅ
ᓱᓇᒥᒃ ᐱᔾᔪᑎᖃᕐᓂᖏᑦ
ᑕᒪᓐᓇ ᐱᓕᕆᐊᖅ ᑮᓇᐅᔭᖅᑖᖅᑎᑎᖃᑦᑕᖅᐳᖅ ᓄᓇᑦᓯᐊᒥᐅᓄᑦ (NWT) ᐃᑲᔪᖅᑕᐅᒋᐊᖃᕐᓂᖏᓐᓄᑦ ᑮᓇᐅᔭᑭᒃᓴᖃᑦᑕᕐᓂᖏᓐᓄᑦ ᓱᓇᑖᕈᑎᒃᓴᒥᖕᓄᑦ. ᐱᓕᕆᐊᖅ ᐃᑲᔪᕈᑕᐅᓪᓗᓂᓗ ᑮᓇᐅᔭᖃᕐᓂᖅᓴᐅᓕᖁᓪᓗᒋᑦ ᐃᓚᐅᖃᑕᐅᑦᓯᐊᕈᓐᓇᖁᓪᓗᒋᑦ ᓄᓇᓕᖕᒥᖕᓂ ᖃᓄᐃᓕᐅᖃᑕᐅᑦᓯᐊᖁᓪᓗᒋᓪᓗ ᓄᓇᒥᖕᓂ ᓄᓇᑦᓯᐊᒥ.
ᑮᓇᐅᔭᑦ ᐊᑐᐃᓐᓇᐅᑎᑕᐅᔪᑦ
ᑮᓇᐅᔭᖅᑖᖅᑎᑕᐅᖃᑦᑕᖅᖢᑎᒃ ᐃᓚᒌᑦ ᐃᒡᓗᒥᐅᖃᑎᒌᑦ ᖃᑦᓯᐅᓂᖏᑦ ᒪᓕᒡᓗᒋᑦ, ᑮᓇᐅᔭᓕᐅᕐᓂᖏᓐᓗ ᖃᓄᑎᒋ, ᐊᒻᒪ ᓄᓇᓕᖃᕐᓂᖏᑦ ᓇᓂ. ᐱᓕᕆᐊᖅ ᐃᑲᔪᖃᑦᑕᖅᐳᖅ ᐊᑭᓕᐅᑎᒃᓴᖏᓐᓄᑦ ᐃᒡᓗᒧᑦ ᖃᐅᒻᒪᖁᑎᓄᓪᓗ ᐅᖁᖅᓴᐅᑎᒃᓴᖏᓐᓄᓪᓗ.
ᐃᓱᓕᕕᖃᕐᓂᐊᕐᓂᖏᑦ ᐃᑲᔪᖅᑕᐅᒍᓯᐊᕐᓂᖏᑦ
ᓂᖃᐃᑐᖅᑎᑕᐅᓂᖅ ᐃᑲᔫᓯᐊᖅᑖᕐᓂᖅ ᑕᖅᑭᑕᒫᖅᓯᐅᑎᐅᕗᖅ, ᐃᑲᔫᓯᐊᖅᑖᖅᐸᒃᑐᑦ ᑐᒃᓯᕋᐅᑎᖃᕆᐊᖃᖅᐸᒃᐳᑦ ᑎᑎᖃᖁᑎᓂᒡᓗ ᓇᒃᓯᐅᔾᔨᖃᓯᐅᑎᓗᑎᒃ ᑕᖅᑭᑕᒫᑦ. ᑕᑕᑎᖅᓯᒪᔪᑦ ᐱᔭᐅᒋᐊᖃᖅᐸᒃᖢᑎᒡᓗ ᑕᖅᑭᐅᑉ ᓄᖑᐊᓂ.
ᐃᑲᔫᓯᐊᕈᓐᓇᖅᑐᑦ
ᑕᒪᓐᓇ ᐱᓕᕆᐊᖅ ᐋᖅᑭᐅᒪᑎᑕᐅᓪᓗᓂ ᐅᑯᓄᖓ:
- ᓄᓇᑦᓯᐊᒥᐅᓄᑦ ᐅᑭᐅᖃᖅᑐᓄᑦ 19-ᓂᑦ ᐊᒻᒪ 59-ᓄᑦ
- ᑮᓇᐅᔭᖅᑖᕆᖃᑦᑕᖅᑕᖏᑦ ᐊᒥᒐᐃᓐᓇᖃᑦᑕᕐᓂᖏᓐᓄᑦ ᐃᑲᔪᖅᑕᐅᒋᐊᖃᖃᑦᑕᖅᐳᑦ
ᑕᑕᑎᕆᖃᑦᑕᕐᓂᖅ ᑐᒃᓯᕋᐅᑎᖃᕐᓂᖅ
ᑐᒃᓯᕋᐅᑎᖃᕐᓂᐊᕐᓗᓂ, ᑕᑕᑎᕆᒋᐊᖃᖅᐳᖅ ᑐᒃᓯᕋᐅᑎᓂᒃ ᑮᓇᐅᔭᓂᒃ ᐃᑲᔫᓯᐊᓂᒃ ᓇᓗᓇᐃᒃᑯᑕᕐᓗᑎᒡᓗ ᐊᒻᒪ ᑐᑭᓯᐅᒪᒍᑎᒃᓴᓂᒃ ᓴᖅᑭᑎᑎᓗᑎᒃ ᑮᓇᐅᔭᖅᑖᕆᕙᒃᑕᒥᖕᓂᒃ ᑖᒃᑯᓄᖓ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᓕᖁᓯᑐᖃᓕᕆᔨᒃᑯᓐᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ECE ᐱᔨᖅᓯᕋᖅᑎᓄᑦ.
ᑐᑭᓯᒋᐊᕈᑎᖃᕐᓂᕐᒧᑦ ᑲᒪᔨᐅᔪᖅ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᓕᖁᓯᑐᖃᓕᕆᔨᒃᑯᓐᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ECE ᐱᔨᖅᓯᕋᖅᑎᓄᑦ ᐃᑲᔪᕈᓐᓇᖅᐳᖅ ᑕᑕᑎᕆᓗᓂ ᑕᑕᑎᖅᑕᐅᒋᐊᖃᖅᑐᓂᒃ.