ᐃᑲᔫᓯᐊᖅᑖᕐᓂᕐᒧᑦ ᐊᔪᖅᓴᖅᑐᓕᕆᔨᒃᑯᓐᓂᑦ ᐃᓄᑐᖃᐃᑦ ᑮᓇᐅᔭᖅᑖᖃᑦᑕᕐᓂᖏᑦ ᐊᒻᒪ ᐃᓄᐃᑦ ᑎᒥᒥᒍᑦ ᐃᓱᒪᒥᒍᓪᓗ ᐊᔪᕈᑎᖃᕐᓂᕐᒧᑦ ᐃᑲᔫᓯᐊᖅᐸᒃᑐᑦ
ᓱᓇᒥᒃ ᐱᔾᔪᑎᖃᕐᓂᖏᑦ
ᑕᒪᓐᓇ ᒐᕙᒪᒃᑯᑦ ᐱᓕᕆᐊᖓᑦ ᑮᓇᐅᔭᑎᒍᑦ ᐃᑲᔪᕈᑕᐅᕗᖅ ᓄᓇᑦᓯᐊᒥ (NWT) ᐃᓄᑐᖃᓄᑦ ᐊᒻᒪ ᐃᓄᖕᓄᑦ ᑎᒥᒥᒍᑦ ᐊᓯᖏᑦᑎᒍᓪᓗ ᐊᔪᕈᑎᖃᖅᑐᓄᑦ ᐱᒍᓐᓇᑦᓯᐊᖏᓐᓂᖏᓐᓄᑦ ᐃᑲᔪᖅᑕᐅᓯᒪᖁᓪᓗᒋᑦ. ᑕᐃᒪᓐᓇ ᑮᓇᐅᔭᖃᕐᓂᖅᓴᐅᖁᓪᓗᒋᑦ ᐃᓚᐅᓂᖃᑦᓯᐊᕈᓐᓇᖁᓪᓗᒋᓪᓗ ᓄᓇᓕᖕᓂ ᐃᓅᓯᕆᔭᐅᔪᓄᑦ ᐱᔪᓐᓇᕐᓂᖃᑦᓯᐊᖁᓪᓗᒋᓪᓗ ᓇᓂᑐᓐᓇᖅ ᓄᓇᑦᓯᐊᒥ.
ᑮᓇᐅᔭᑦ ᐊᑐᐃᓐᓇᐅᑎᑕᐅᔪᑦ
ᑮᓇᐅᔭᖃᖅᑎᑕᐅᓂᐊᖅᐳᑦ ᖃᑦᓯᐅᓂᖏᓐᓄᑦ ᐃᓚᒌᑦ, ᐃᓚᒌᓪᓗ ᑮᓇᐅᔭᓕᐅᕈᑎᖏᑦ ᒪᓕᒡᓗᒋᑦ, ᐊᒻᒪ ᓄᓇᓕᖕᓂᒥᐅᑕᐅᖃᑕᐅᓂᖏᓐᓄᑦ. ᑕᒪᓐᓇ ᐱᓕᕆᐊᖅ ᐃᑲᔪᕈᑕᐅᕗᕐᓗ ᑮᓇᐅᔭᖃᑦᓯᐊᖁᓪᓗᒋᑦ ᐃᒡᓗᖃᕐᓂᕐᒧᑦ ᖃᐅᒻᒪᖁᑎᖃᑦᓯᐊᕐᓂᕐᒧᓪᓗ.
ᐃᓱᓕᕕᖃᕐᓂᐊᕐᓂᖏᑦ ᐃᑲᔪᖅᑕᐅᒍᓯᐊᕐᓂᖏᑦ
ᓂᖃᐃᑐᖃᑦᑕᖏᑉᐸᑦ ᐃᑲᔫᓯᐊᖃᑦᑕᖏᑉᐸᑦ ᐃᓄᑐᖃᐃᑦ ᐊᒻᒪ ᐊᔪᕈᑎᖃᖅᑐᑦ ᐃᑲᔫᓯᐊᖅᑖᖃᑦᑕᕐᓂᖏᑦ ᐊᔪᖅᓴᖅᑐᓕᕆᔨᒃᑯᓐᓂᑦ ᐊᕐᕌᒍᑕᒫᖅᓯᐅᑎᐅᕗᖅ, ᑕᒪᒃᑯᐊ ᑕᐃᒪᓐᓇ ᐃᑲᔪᖅᑕᐅᖃᑦᑕᖅᑐᑦ ᑐᒃᓯᕋᐅᑎᖃᕆᐊᖃᐃᓐᓇᖅᐸᖕᒪᑕ ᑎᑎᖃᓂᒡᓗ ᓇᒃᓯᐅᔨᖃᓯᐅᑎᓗᑎᒃ ᓇᓗᓇᐃᒃᑯᑕᓂᒃ ᑕᐃᒪᓐᓇ ᖃᐅᔨᒪᔭᐅᑦᓯᐊᖁᓪᓗᒋᑦ ᑮᓇᐅᔭᖅᑖᕈᓐᓇᕐᓂᖏᓐᓄᑦ. ᑐᒃᓯᕋᐅᑎᖃᖅᑐᑦ ᑕᐃᒪᓐᓇ ᐊᖏᖅᑕᐅᕙᒃᐳᑦ ᔪᓚᐃ 1−ᒥ ᐊᕐᕌᒍᑕᒫᑦ, ᐅᕙᓘᓐᓃᑦ ᖃᖓᑐᐃᓐᓇᖅ ᐊᓂᒍᖅᓯᒪᓕᖅᑎᓪᓗᒍ ᔪᓚᐃ. ᐃᑲᔫᓯᐊᖅᑖᖃᑦᑕᖅᑐᑦ ᑕᑯᔭᒃᓴᐅᑎᑎᑐᐃᓐᓇᕆᐊᖃᖅᐳᑦ ᐊᑭᓕᐅᑎᒋᓚᐅᖅᑕᒥᖕᓂᒃ ᖃᐅᒻᒪᖁᑎᓄᑦ ᑕᖅᑭᑕᒫᑦ ᐊᑭᓕᐅᑎᕕᓂᕐᒥᖕᓂᒃ ᐊᑭᓕᐊᓂᒃᓯᒪᔭᒥᓂᒃ.
ᐃᑲᔫᓯᐊᕈᓐᓇᖅᑐᑦ
ᑕᒪᓐᓇ ᐱᓕᕆᐊᖅ ᐋᖅᑭᐅᒪᑎᑕᐅᕗᑦ ᐅᑯᓄᖓ:
- ᓄᓇᑦᓯᐊᒥᐅᑕᓄᑦ ᐅᑭᐅᖃᖅᑐᓄᑦ 19-ᓂᑦ ᐊᒻᒪ 59-ᒧᑦ ᐊᑯᓂ ᐊᔪᕈᑎᖃᐃᓐᓇᖅᓯᒪᔪᓄᑦ ᑎᒥᒥᒍᑦ ᐃᓱᒪᒃᑯᓪᓗ ᐊᓯᐊᒍᓪᓗ, ᐅᕙᓘᓐᓃᑦ
- ᓄᓇᑦᓯᐊᒥᐅᑕᓄᑦ ᐃᓄᑐᖃᓄᑦ (60+) ᐅᑭᐅᖃᖅᑐᓄᑦ; ᐊᒻᒪ
- ᑮᓇᐅᔭᖅᑖᕆᕙᒃᑕᖏᑦ ᐊᒥᒐᓗᐊᕐᓂᖏᓐᓄᑦ ᐃᑲᔫᓯᐊᖅᑖᕆᐊᖃᖅᐸᒃᑐᓄᑦ
ᑕᑕᑎᕆᖃᑦᑕᕐᓂᖅ ᑐᒃᓯᕋᐅᑎᖃᕐᓂᖅ
ᐃᑲᔫᓯᐊᖅᑖᕐᓂᐊᕐᓗᓂ, ᑕᑕᑎᕆᒋᐊᖃᖅᐳᑦ ᑐᒃᓯᕋᐅᑎᓂᒃ ᓂᖃᐃᑐᕐᓂᕐᒧᑦ ᐃᑲᔫᓯᐊᖅᑖᕐᓂᕐᒧᑦ ᐃᓄᑐᖃᐃᑦ ᐊᒻᒪ ᐊᔪᕈᑎᖃᖅᑐᑦ ᑎᒥᒥᒍᑦ ᐃᓱᒪᒃᑯᑦ ᐊᓯᐊᒍᓪᓗ ᓇᓗᓇᐃᒃᑯᑕᖃᕐᓗᑎᒃ ᑐᑭᓯᒋᐊᕈᑎᖃᕐᓗᑎᒡᓗ ᑎᑎᕋᖅᓯᒪᔪᓂᒃ ᑮᓇᐅᔭᖅᑖᕆᕙᒃᑕᒥᖕᓂᒃ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᓕᖁᓯᑐᖃᓕᕆᔨᒃᑯᓐᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ECE ᐱᔨᖅᓯᕋᖅᑎᓄᑦ.
ᑖᓐᓇ ᑲᒪᔨᐅᔪᖅ ᑕᐃᑲᓂ ᓄᓇᓕᖕᓂ ECE ᐱᔨᖅᓯᕋᖅᑎᓄᑦ ᑕᑕᑎᒐᒃᓴᕐᓂᒃ ᐃᑲᔪᕈᓐᓇᖅᖢᓂ ᑕᑕᑎᕆᒋᐊᖃᓕᕈᕕᑦ.