Ikajuusiaqtaarnirmut Ajuqsaqtulirijikkunnit Inutuqait Kiinaujaqtaaqattarningit Amma Inuit Timimigut Isumamigullu Ajurutiqarnirmut Ikajuusiaqpaktut

Sunamik Pijjutiqarningit

Tamanna gavamakkut piliriangat kiinaujatigut ikajurutauvuq nunatsiami (NWT) inutuqanut amma inungnut timimigut asingittigullu ajurutiqaqtunut pigunnatsianginninginnut ikajuqtausimaqullugit. Taimanna kiinaujaqarniqsauqullugit ilauniqatsiarunnaqullugillu nunalingni inuusirijaujunut pijunnarniqatsiaqullugillu nanitunnaq nunatsiami.

Kiinaujat Atuinnautitaujut

Kiinaujaqaqtitauniaqput qatsiuninginnut ilagiit, ilagiillu kiinaujaliurutingit maliglugit, amma nunalingnimiutauqatauninginnut. Tamanna piliriaq ikajurutauvurlu kiinaujaqatsiaqullugit igluqarnirmut qaummaqutiqatsiarnirmullu.

Isuliviqarniarningit Ikajuqtaugusiarningit

Niqaituqattangippat ikajuusiaqattangippat inutuqait amma ajurutiqaqtut ikajuusiaqtaaqattarningit ajuqsaqtulirijikkunnit arraagutamaaqsiutiuvuq, tamakkua taimanna ikajuqtauqattaqtut tuksirautiqariaqainnaqpangmata titiqaniglu naksiujiqasiutilutik nalunaikkutanik taimanna qaujimajautsiaqullugit kiinaujaqtaarunnarninginnut. Tuksirautiqaqtut taimanna angiqtauvakput Julai 1−mi arraagutamaat, uvaluunniit qangatuinnaq aniguqsimaliqtillugu julai. Ikajuusiaqtaaqattaqtut takujaksautitituinnariaqaqput akiliutigilauqtamingnik qaummaqutinut taqkitamaat akiliutivinirmingnik akilianiksimajaminik.

Ikajuusiarunnaqtut

Tamanna piliriaq aaqkiumatitauvut ukununga:

  • Nunatsiamiutanut ukiuqaqtunut 19-nit amma 59-mut akuni ajurutiqainnaqsimajunut timimigut isumakkullu asiagullu, uvaluunniit
  • Nunatsiamiutanut inutuqanut (60+) ukiuqaqtunut; amma
  • Kiinaujaqtaarivaktangit amigaluarninginnut ikajuusiaqtaariaqaqpaktunut

Tatatiriqattarniq Tuksirautiqarniq

Ikajuusiaqtaarniarluni, tatatirigiaqaqput tuksirautinik niqaiturnirmut ikajuusiaqtaarnirmut inutuqait amma ajurutiqaqtut timimigut isumakkut asiagullu nalunaikkutaqarlutik tukisigiarutiqarlutiglu titiraqsimajunik kiinaujaqtaarivaktamingnik nunalingni ilinniaqtulirijikkunnut iliqusituqalirijikkunnut amma iqkanaijaqtulirijikkunnut ECE pijiqsiraqtinut.

Taanna kamajiujuq taikani nunalingni ECE pijiqsiraqtinut tatatigaksarnik ikajurunnaqłuni tatatirigiaqaliruvit.

Asingit Tamatuma Miksaanut Qaujigiarviujunnaqtut