Anjòo kat eenjit tsèedhòh gòo juudìn shu’ adik’àtr’inaatii geenjit
Dàgwìnuu
Jidìi drin tak gwinàanch’uu gwit’àgwìjąhch’uu geenjit tsèedhòh anjòo kat ts’àt shu’ adik’àtr’inaatii kat geenjit zhàn nilìi NWT gwizhìt. Gwaa’àn tthak jidìi tthak dàgwidi’ii gootat duulèh gàdhan ìidàlii gwik’ìt diiyeenjit gòo’aii akoots’àt kaiik’ìt gwizhìt gwiheezàa geenjit diinjigidizhit.
Nijìn Gwà’àn Tsèedhòh Gwiheelyaa
Diizhehk’oo zhìt dąhłeii gidilii, tsèedhòh gwiidi’in gòo nijìn danh t’ìidìch’uu geenjit tsèedhòh gwiheelyaa. Zheh ts’àt diigwadàl eenjit aii gwitr’it zhàn geenjit gòo’aii.
Gwichìilàgwìhee’àa
Jii tsèedhòh zrit khaii gwitak gwinàanch’uu diits’an tr’ahtsii akoots’àt jidìi tthak diits’àt gagoodahkat jì’ goots’an ohtsii tł’ee gàdhan hohłyaa geenjit gòo’aii. Khaii tthak July 1 gwàts’at tł’ee tthak dinehtł’eh srinagogwilii geenjit diinjigidizhit. Duulèh sriinanh gwitak gwinàanch’uu aadrii eenjit gwidinehtł’èe goovohkat.
Juudìn Eenjit Nilii
Jii tthak t’at juudìn zrit:
- NWT gwizhìt tthak juudìn 19 ts’àt 59 gidilii tthak geenjit juudìn shu’ adik’àtr’inaatii geenjit nilii, gòo
- NWT gwizhit anjòo kat geenjit (60+) akoo ts’àt
- Tsèedhòh gidaatsii ndoo geenjit diinjigidizhit
Nits’oots’at goohìidàkat
Gwidinùutł’oo geenjit, Income Assistance eenjit gwidìnehtł’ee oonohnjii, anjòo kat ts’àt shu’ adik’atr’inaatii kat geenjit juudìn ohłii gahgìheedandaih jì’ ts’àt tsèedhòh gootsii gahgìheendandaii ECE gwàh goondak. Aii ihłee nakhwedìnehtł’èe nakhwets’àt tr’iheendal gwik’it akòo t’àgòonch’uu.