Department of Education Culture and Employment (ECE) danh niinzhit dài’ NWT gwizhìt gè’tr’oonahtan gwizhìt tr’iheelyaa gwiiniindhan gwidinehtł’èe iidi’inh. Gwizhìt tr’iheelyaa gwiiniindhan gwidinehtł’èe’, srii nành gwizhìt tr’iinli’ gwidinehtł’èe’ gòo gwizhìt tr’iinli’ geenjit gwidinithitł’oo, jii gwidinehtł’èe tthak duuleh gwizhìt diinch’uh.

Kheenjit gòo ezhii eenjit gè’tr’oonahtan gwizhìt tr’iinli’ gwidinehtł’èe geenjit guujahkat jì’ Gè’tr’oonahtan Gwizhìt Tr’iinli’ Gwidinehtł’ee Geenjit Atr’oodahkat kak diniintł’oh guuts’an nyahtsih. Ezhii eenjit guujahkat jì’ guuveenjit akòo dihiindya’aa gehdeenjah (jii gwik’it, dinehtł’eh kak guuveenjit akoo dihiindya’aa ginuu, juudin guuk’atr’inahtii gwidinehtł’ee gòo juudin guuveenjit tr’igįįkhii gwidinehtł’èe, gwidagwidįį’è’ gwinjik diiyeenjit tr’igįįkhii tr’iinlii gwidinehtł’èe).

Jii dinehtł’eh kak gadiitr’oodahkat tthak gwidii ginįįkhii ts’àt dinehtł’eh neetr’aazhik, dinehtł’eh neetraazhik gwi’iitsii gòo email gwinjik Gè’tr’oonahtan Gwizhìt Tr’iinli’ geenjit goo’aii gwits’an nyahtsih.

• Gè’tr’oonahtan Gwizhìt Tr’iinli’ Gwidinehtł’ee Geenjit Atr’oodahkat

Gè’tr’oonahtan zheh nits’oo tr’oozrii gòo nijuk dài’ gwizhìt t’inich’uh anidhaandeh jì’ jidii kaiik’it gwizhìt gwiinli’ niindhan guuvah gwaandak. Jii gwinjik ECE geenjit gwitr’it t’agwah’in kat dinehtł’eh kagehneetyah ts’àt nintł’agahahchuu geenjit guuts’àt tr’ihiindał. Jii geenjit gahvidandài’ niindhan jì’ tł’yah vizhìt tr’igįįkhii (867) 767-9353 ext. 71265 Student Records guuts’àt ginįįkhih.

Dinjii Zhuh Kat Gè’troonahtan Gwizhìt Giheelyaa Geenjit Ezhuu Kat Hàh Gugweech’ìn’ Geenjit Goo’aii Geenjit Atr’oodahkat

Dinjii Zhuh ts’àt Ineekaii gwitr’iinin kat guukaiik’it gwats’àt guutr’oonjik ts’àt Ezhuu Kat Hàh Gugwich’in Gwats’àt Gè’troonahtan Gwits’àt Giheedaa guuveenjit gugwįį’è’.

September 1, 1951 ts’àt June 30, 1992 dài’ gòo, June 30, 1992 tł’ee ezhuu kat hàh t’ihiinch’aa geenjit Government of Canada (Dinjii Zhuh gwichìt giinlih kwaa) nitr’oonjik jì’ duuleh federal government gwats’àt tseedhoh hiindya’ah.

Jii geenjit atr’oodahkat niindhan jì’ gè’tr’oonahtan gwizhìt iinli’ gwidinehtł’èe hiindya’ah, jii t’at duuleh zhat danh Department of Education, Culture and Employment geenjit guujahkat.

February 22, 2027 gwichih jii dinehtł’eh federal government guuts’an tr’igwahahtsaa geenjit goo’aih.

Nanh gòo ezhuu gahnidandaii gè’troonahtan gwizhit t’ohch’uu k’iighè’ nikhweenjit gwiizuu gwiinli’ jì’ nikhwits’àt tr’itr’iheendal geenjit goo’aih.