Ts’ekok’àowo Dǫ Ts’àdı̀
Wegǫndı
Dı̀ı wet’à dǫne edzanèk’e (NWT) nàgedè sı̀ı wet’à ayı̀ı gı̨wǫ sı̀ı eyıts’ǫ hotı nezı̨ egenda gha dǫ ts’àdı hǫt’e. Dı̀ı sǫǫ̀mba t’à gıts’àdı sı̀ı wet’à desǫǫ̀mba hogıhdı̀ t’à hotı nezı̨ dekǫ̀ta nàgedè ha eyıts’ǫ edzanèk’e edegha hotı nezı̨ dexè segogele ha.
Sǫǫ̀mba Gıgha Edàatłǫ Gohłı̨
Sǫǫ̀mba edàatłǫ̀ dǫne ts’àdı sı̀ı, ı̨łè kǫ̀ dǫne sǫǫ̀mba edàatłǫ̀ gehtsı̨̀ weghà eyıts’ǫ wekǫ̀ta weghà wets’àdı̀. Kǫ̀ edàetı̀ eyıts’ǫ sa tąt’e ası̀ı edàetı̀ t’à dǫ ts’àdı̀.
Nǫde dzęę̀ ts’eèkè
Ts’ekok’àowo dǫne ts’àdı̨ gohłı̨ sı̀ı, sa tąt’e dǫne ts’àdı hǫt’e, dǫne edexè nı̨htł’è segele zǫ t’à ha eyıts’ǫ sa tąt’e nı̨htł’è edàatłǫ hazhǫ geèke sı̀ı gıghàahłe ha. Sa welǫ kwe dı̀ı nı̨htł’è hazhǫ geèke sı̀ı gıghàłe ha.
Amı̀ı wets’àdı ha dı̀le
Dı̀ı dǫne dı̀ı hanı gıgha:
- Dǫne edzanèk’e nàdè 19-59 gıı̀gho wets’àdı ha dı̀le
- Sǫǫ̀mba edàatłǫ gehtsı̨ weèɂǫ̀ genı̨htł’è nı̨dè
Edàanı̀ dı̀ı sǫǫ̀mba ts’eèkè
Dı̀ı ts’eèke ha dè, ts’ekok’àowo ts’eèke gha nı̨htł’è sets’ele eyıts’ǫ dı̀ı gıts’ǫ nı̨htł’èkǫ̀ wegondı wek’ahta ECE Service Centre nets’ǫ nı̨htł’è gıts’ǫ̀ anele eyıts’ǫ sǫǫ̀mba edàatłǫ nehtsı̨ sı̀ı hagı̨̀dı ha.
Dǫne akǫ ts’ekok’àowo wenı̨htł’èkǫ̀ dı̀ı nı̨htł’è senele gha nets’àdı ha dı̀le.