Ǫhdaà tłeh t’à gıts’àdı̀
Hazhǫ weghàts’eda
Edzanèk’e ǫhdaà sǫǫ̀mba łǫ gıts’ǫ-le eyıts’ǫ mǫhdaà sǫǫ̀mba mǫhdaà gıts’ǫ sı̀ı gıkǫ̀ gha tłeh t’à gıts’àdı. Sa tąt’e tłeh gha naxısǫǫ̀mba weghǫ̀adı gha naxı̀ts’ǫ̀elı̨. Tłeh t’à naxı̀ts’àdı neèhò ı̨ła wexǫ̀adı ha.
Sǫǫ̀mba edàawhı̀t’ı̨ dǫne gha whela
Dı̀ı xo k’e 2025-2026 gha Edzanèk’e ts’ǫ government Ǫhdaà tłeh t’à edàatłǫ gıts’àdı ı̨lè sı̀ı ładı̨ agı̨̀là. Dı̀ı xo k’e tłeh deètı̀ ajà xè Ǫhdaà ts’àgedı ha gı̨wǫ t’à ładı̨ adlà.
Łıwedats’ehtè Zaà eyıts’ǫ Sadatło Zaà gots’ǫ̀ sa tąt’e edàatłǫ Ǫhdaà kǫ̀ta gıt’ǫ̀ egenda neèt’à dı̀ı wet’à gıts’àdı ı̨lè sı̀ı ładı̨ agı̨̀là. Xo lǫ dè tłeh hazhǫ wet’àgèat’ı̨-le sı̀ı achı̨ ı̨dàe sa ts’ǫ̀ wheɂǫ agele hadı̀le.
Adı̨ Ǫhdaà nàgèdè, sǫǫ̀mba edàatłǫ gehtsı̨ ghà eyıts’ǫ edàanı̀ dǫne ts’àgedı ha sı̀ı, jǫ ı̨zhı̀ dek’ètł’è:
| Nı̨htł’è 1 | Nı̨htł’è 2 | Nı̨htł’è 3 | |
|---|---|---|---|
| Kǫ̀ta |
Behchokǫ̀ Dettah Enterprise Fort Providence Fort Simpson Fort Smith Hay River K’atł’odeeche Kakisa Ndılǫ Yellowknife |
Fort Liard Fort Resolution Gametì Inuvik Jean Marie River Nahanni Butte Whatì Wrigley |
Aklavik Colville Lake Délı̨nę Fort Good Hope Fort McPherson Łutselk’e Norman Wells Paulatuk Sachs Harbour Saamba K'e Tsiigehtchic Tuktoyaktuk Tulita Ulukhaktok Wekweètì |
| Sǫǫ̀mba dı̀ı hatłǫ nehtsı̨ | $66,000 hatłǫ ts’ǫ̀ | $75,000 hatłǫ ts’ǫ̀ | $87,000 hatłǫ ts’ǫ̀ |
| Sa tąt’e t’à nets’àdı̀ | $460 | $560 | $750 |
| Hazhǫ t’à nàetà | $3,680 | $4,480 | $6,000 |
Nǫde dzęę̀ sǫǫ̀mba ı̨ı̨̀kèa
2025-2026 xo k’e gha dǫne edexè nı̨htł’è segele hadı̀le (Łıwedats’ehtè Zaà Sadatło Zaà ts’ǫ̀) Det’ǫcho Zaà 15 ts’ǫ̀ nı̨htł’è sèałe hadı̀le.
Nexè dı̀ı hanı̀ dè nets’àdı̀
Dı̀ı dǫne edzanèk’e nàdè gıgha hǫt’e:
- Edzanèk’e ts’ǫ dǫne anet’e
- 60 weèɂǫ̀ ts’ǫ̀ neghoo
- Nı̨ whacho nekǫ̀ agǫ̀ht’e hanı̀-le dè sa tąt’e naı̨̀dı t’à akǫ nąą̀dè nı̨dè eyıxè nı̨ whacho tłeh naı̨̀dı nı̨dè
- Sǫǫ̀mba edàatłǫ nehtsı̨ ha dı̀le gedı sı̀ı
- Ts’ekok’àowo nets’àdı-le dè
- Xo tąt’e dı̀ı neèke nı̨dè
Dı̀ı hanı̀ sǫǫ̀mba ts’eèkè
Dı̀ı gha ts’eèke, Ǫhdaà gıkǫ̀ gha tłeh t’à nets’àdı Įdoo ayı̀ı dzęę̀ ts’ıı̀zı̀ sı̀ı wekwe dexè nı̨htł’è sèałe ha. Edàatłǫ naxıghoò, naxıkǫ̀ dǫ edàatłǫ sǫǫ̀mba gehtsı̨ sı̀ı hahdı ha, ahsı̨̀ naxı xà kǫ̀ naxıts’ǫ hanı̀-le sa tąt’e kǫ̀ nahdı̀, hanı̀ nı̨dè naxıts’ǫ ECE Servıce Centre gıts’