Aurora College hı̨dú Polytechnıc Unıversıty ade ghá t’á Duhdá Elı́gu Nę́nę́ dene ayı́ segháonutę nı̨wę nı́dé erı̨htł’é ghǫ enǫt’ę gha erı̨htł’é beghǫchu gots’ę́ erı̨htł’é kǫ́ at’ı̨ gha hé Duhdá Ellı́gu Nę́nę́ dene ke náı́dı́ k’éoreshǫ dene gha dene hé t’ahsı̨ godı̨́ hé godı kıhchu ts’ę gháré dene kákedı dene hé eghálakeda gha.

Dırı “polytechnic” Unıversıty areyǫné nę́nę́ k’e ayı́ t’á gogha horı́la hé tsı́gowı ghǫ gogháonętę.  Polytechnic university kǫ́ta hé eghálaeda gá gohé eghálakeda t’á dene erıhtł’é ghǫ enǫt’e sı̨́ı̨ ayı́ ghálaeda ghá goghákenęthę.

Ejǫ polytechnic university, begháonętę ke erı̨htł’é kǫ́ hé dıchı̨ta hé k’ola begháonętę gha. Dene łǫ Duhdá Nę́nę́ ekanı̨́ gogháonętę t’á nezǫ́ gogha eghálaedá ǫt’e.  Nǫdé ts’ę́ nı́dé amı̨́ı́ ejǫ erı̨htł’é kǫ́ at’ı̨ nı́dé dekǫ́ gots’ę erı̨htł’é dowé (adult basic education, upgrading, certificate, diploma and degree programs) ghǫ enǫt’e gots’ę́ erı̨htł’é kǫ́ dene kǫ́ goch’á łą́ade gháı̨́le. 

Erı̨htł’é kǫ́ necha ası̨la kúlú surı́ natse gha hé ts’ǫ́dane ke gha nezǫ gha. Dúhdá gots’ę hé hı̨dé gots’ę ejǫ erı̨htł’é kǫ́ aket’ı̨ gha. Dırı kǫ́ta taı erı̨htł’é kǫ́ góla sı̨́ı̨ t’á kǫ́ta bet’á sǫ́ba k’énatł’e hé sǫ́ba kehtsı̨ gha.       

Dırı erı̨htł’é kǫ́ ayı́ gogháonętę gha gálats’eda nı́dé Dúhda gots’ę dene ke dene náoweré t’á dene ts’ę́ nakedı gha.  Dúhda gots’ę dene ts’ę́ nakedı nı́dé ahle gogháonętę ts’ę erı̨htł’é goghǫchu gháré dúle erı̨htł’é gha waa gogháonętę gha dúle dırı gháré:

• Ayı́ gha gogháonę̨tę - k’elu ghǫ kedı, kǫ́ asą́odelé chá gha gogháonętę t’á yeghálakeda.
• Nę hé kare gomone goghǫkedı - dánı̨́ nę t’á ketı̨, yeghǫkedı gha datł’é, nę bet’á gots’edı́ ghǫkehdı.
• Dene nezǫ́ gudı, goghánętę hé kǫ́ta gots’ę́ nákedı ghálakeda - dene ke hé kǫ́ta hé gonuzǫ hé nakutse gha gots’ę́ nákedı.
• Eghálaeda gá sǫ́ba hehtsı̨ ke hé k’áowe ke hé - Dırı areyǫné deneke ełehé eghálakeda t’á Duhdá Elı́gu Nę́nę́ náts’tse gha.

Hı̨dú amı̨́ı̨ ke Aurora College gháonęthe ke ayı́ erı̨htł’é dırı university k’ǫne dene ghákenęthe gha ghálakeda. Dırı university k’one hı̨dó dı̨ı̨ xae gots’ę́ yeghálakeda gha sǫ́ǫ́nı.  Ts’ǫ́dane ke amı̨́ı̨ erı̨htł’é honénǫɂǫ́nákǝ keoken̨whe ke dúle polytechnic university ts’ę́ akede gha. 

Hı̨dú dırı erı̨htł’é kǫ́ ehdagots’ę́wa t’á Aurora College ełęt’éle gha sǫ́ǫ́nı. Areyǫné ełehé eghálats’eda nı́dé erı̨htł’é, ts’ǫ́dane ke hé erı̨htł’é kǫ́ hé nezǫ́ gok’ets’edı́ gha góɂǫ. Areyǫné denehé at’ı̨ t’á dırı erı̨htł’é kǫ́ dewé ghálets’eda.