Azhı́ı Aurora College goghágų́thı daxáde edı̨htł’éh ndee k’éh gocho gok’ę́ę agende gha

Aurora College edı̨htł’éh ndee k’éh, k’ęę agedande.   Dı met’áh NWT ts’ę dene héh amı́ı, nekǫę̨́ gondaet’ı nádé, azhı́ı genı̨thę gogháhų́thı gha.  Atthe goɂo ts’ę́ dúlee dı edı̨htł’éh met’áodéɂa gǫchu gots’ęh, Nahendeé zhı́e méh edaondı edédı́dı́ deɂǫ́ mendáet’ıı gháts’enda gha.   

Dı edı̨htł’éh ndee k’éh gocho azhı́ı edánehɂı k’eh gogháedenıtę gots’ęh, azhı́ı ełeodı̨́ɂa méghǫ ts’eda – dı t’aıt’ıt’á t’áh edagot’ı̨ hésı̨ı̨ héh.   Dı ohdzǫǫ la gha ats’ı̨t’e anegıule, dı edı̨htł’éh ndee k’éh gocho dene yáıɂa chuu gots’ęh kǫ́tah, kaondı hénıdé azhı́ı edagele k’eh see nıógı̨̨́ɂá gha.

Dı edı̨htł’éh ndee k’éh gocho gots’edı k’éh, edı̨htł’éh k’eh ts’edétth’ı̨ k’éhozhı́e, met’áh edı̨htł’éh łatake k’éh, ndee k’eh, gots’ęh la k’éh chu, ezhı há dene goghágoenetę.   Dı daxáde dene łǫ gogháenetǫ, gots’ęh gonezų agų́ıt’e ek’éndaa ndathé medı́tsı gha.  Melǫ hénıdé, dı edı̨htł’éh ndee k’éh gocho athı́ɂı̨ gha, dı Nahendée zhı́e goghágoenetę gha edı̨htł’éh ts’ę́ eget’ı̨, kaondı hénıdé dendé ch’ąą agende gha hı́le, gots’ęh ǫdı nagedé chu. 

Edı̨htł’éh Kǫę́ gúlı́ı agodande gháde chu, denda anádétse ande héh dene denda dúlee yet’áodethı, gots’ęh Nahendeé zhı́e, gots’ęh gothą chu mets’ę́ aodeh genı̨thę gha.     Nahendeé zhı́e kǫ́tah yagola yet’áogeduthı́ gha chu, dı kǫ́tah taı yágóla denda goghágoenetę, edı̨ deɂóh aodacho goghá gų́tth’ı̨ gha. 

Edı̨htł’éh Kǫę́ gok’ónı̨ gogha ts’atáa nı́ogı̨́ɂa azhı́ı edágele gha, gots’ęh edaondı t’áh dene henáhodhee goghá génı̨ɂǫ holı́ı ghágenda, hası̨̨́ı̨ ekúh het’ıı ats’ele gha atsedı hı́le.  Nahendeé ts’ę, dene ahsı́ı k’ónı̨ ghágenda gots’ęh azhı́ı hendıgedındı́ yek’eh denda kegedendı̨ gha.  Azhı́ı gı̨́hchúu ts’ęh goghágonetǫ hésı́ı ts’ę dı:

  • Golá t’áh eghálaeda, gots’ęh satsǫ́ hetłe k’eh eghálaeda – ek’élu kǫę́, natse gok’éts’endı́ azhı́ı k’ónı̨ ghágoenetǫ, yet’áh aget’ı̨ 
  • Ndéh ts’́ę́ ahsı́ı yánı́zhe, gots’ęh ndéh k’éts’endı́ – met’áh ats’et’ı̨, mek’éts’endı́, gots’ęh ndéh k’éts’endı́, met’áh gonezų hı́da gots’ęh náıtse nahek’éndı́ gha
  • Gonezų ts’enda gha la, goghágoenetę gots’ęh kǫę́ gondaet’ı̨ eghálaıdé – dene kǫ́tah nats’e héh gonezų ts’enda gok’éts’endı́
  • Eghálaeda kádeɂá, gots’ęh gonatthe ts’eda ts’ı̨lı̨ – Nahendée ts’ę́ dene gonatthe theda gha gots’áts’endı, kaondı hénıdé Nahendée natse gha

​​​​​​​Dúh, amı́ı Aurora College eghálaedé hésı̨ı̨, ahsı́ı k’ónı̨ gha senı́ogı̨ɂá.  Dı azhǫǫ gúlı́ı agodunde hésı̨́ı̨ axǫ dı̨ı̨ xaye néɂo holı́.   Dúh amı́ı edı̨htł’éh kǫę́ gonde, ts’ę̨́ aget’ı̨, edı̨htł’éh ndee k’éh gocho ts’ę́ agende gha dúlee.

Gúlı́ı́ agodande gháde chu Aurora College gúlı́ı goka goagenda gha sóondı.  Ahsıı k’ónı̨ k’eh ełé eghálagenda gha góɂǫ, dene denda ts’ehɂa, met’áh amı́ı edı̨htł’éh ts’ę́ aot’ı̨́ gha, gots’ęh gúlı̨ ago