Ahsı́ı azhǫ meghǫts’enda

Edı̨ sáamba thela la met’ah amı́ı dene k’ę́ę́ goghá łatahtı gots’ęh amı́ı dezhatıe k’ę́ę́ edetł’éh sı́ı k’endah gogháonetę ghá énıdé amı́ı Góhdlı Ndéh gok’ézhıı nadéh sı́ı met’áh edeghá ahsı́ı nágendıh, azhı́ı t’ah goghágonetę chu ts’ęhk’eh edeghá naogehndı, edıhtł’éh chu ghá gots’ęh k’endah ahsı́ı keots’eduhshá genıdhę gots’ęh satsǫ́ ahsı́ı łǫ kenandıh ts’ęhk’eh chu káa dúlé gohágonetę.

Dene daołı̨ anet’e

Káa dúlé kıozhı́ı, Chıah Edéh Zaa gots’ęh Det’ǫcho Zaa 2023 medhéh ts’ę edeghá edı̨htł’éh séeneleh.

Sáamba goghá thela

Amı́ı edeghá sáamba ts’ęhk’eh edı̨htł’éh séeleh sı́ı káa dúlé łı́é lımı́l ts’ę́ edeghá séegoałéh. Chıah Edéh Zaa 2022 gots’ęh Det’ǫcho Zaa 2023 medhéh ts’ę́ káa dúlé edıhtł’éh ǫkı gots’ę́ nınahdháh.

Dadedháa gedı̨ sı́ı medhéh edı̨htł’éh gots’ę́ nınahɂá

Daededháa negháonetę ghá sı́ı, łı́é sa medhéh edı̨htł’éh gots’ę́ nınıɂá.

Azhı́ı t’ah negháonetę ghá 

Góhdlı Ndéh ts’ęh amı́ı dene goghá łatahtı gots’ęh dezhatıe t’ah edetł’éh sı́ı káa dúlé ahsı́ı t’ah goghágonetę gots’ęh k’endah dáondıh t’ah ahsı́ı ts’uzı ts’ęhk’eh chu, Dehchu nezų ts’enda ts’ęhk’eh eghálaeda chu, gooseenı̨zhaıtı chu,názhaetı ts’ęhk’eh chu, gots’ęh ndéh ts’ęhk’eh chu, gots’ęh/ ı̨́le énıdé káa dúlé satsǫ́ ahsı́ı łǫ kenandıh ts’ęhk’eh chu, dáondıh t’ah met’ah eghálats’enda, met’ah ełexee názhats’ehtı chu, dáondıh t’ah met’ah ełets’ę́ gondı̨ nıts’ıle, gots’ęh dáondıh t’ah met’ah gots’endeh t’ah gondı ełets’ę́ nıts’ıle gots’ęh dáondıh t’ah satsǫ́ ahsı́ı łǫ kenandıh aetselıah t’ah eghálats’enda. 

Dáondıh t’ah edeghá séegots’eleh

1. Káa ne-edı̨htł’éh ts’ę́ ghǫh gedı̨ énıdé Satsǫ́ ahsı́ı łǫ kenandı́h k’eh  gots’ę́ nınıɂá. 
2. Azhǫ edı̨htł’éh séenela énıdé ahsı́ı edı̨htł’éh gonáne sı́ı mexee aołéh enedhę edę, ezhı́ı chu gots’ę́ nınıɂá.
3. Edı̨htł’éh séenela énıdé edıhjǫ gots’ę́ nınıdháa: 

• Satsǫ́ ahsı́ı łǫ kenandı́h la: indigenous language@gov.nt.ca ǫt’e.
• Met’ah edı̨htł’éh gots’ę́ nıts’ıle k’eh la 1-867-873-0109, ATTN: Interpreter Translators Funding Program, Indigenous Languages and Education Secretariat - Please email indigenous_languages@gov.nt.ca ı̨́le énıdé káa gots’ę́ edı̨htł’éh anela énıdé met’ah gots’endeh t’ah gots’ę́ gundéh, ezhı́ı la 867-767-9346 ǫt’e.
• Edı̨htł’éh k’echu  t’ah gots’ę́ edı̨htł’éh nınıɂá: Interpreter Translators Funding Program, Indigenous Language and Education, Secretariat, Education, Culture and Employment, Government of the Northwest Terrıtories, P.O. Box 1320, Yellowknife,X1A2L

Naxee nedéh

Dene goghá łatahtı gots’ęh amı́ı dezhatıe k’ę́ę́ edetł’éh ts’ęhk’eh sáamba ghá edı̨htł’éh séenela énıdé gots’ęh dagoąke enahthę́ énıdé satsǫ́ ahsı́ı łǫ kenandı́h t’ah gots’ę́ edıhtł’éh, ezhı́ı la, indigenous languages@gov.nt.ca ǫt’e, ı̨́le énıdé met’ah gots’endéh t’ah gots’ę́ gundéh, ezhı́ı la, 867-767-9346 ǫt’e.