Jidii Tthak Ts’at Gwidilii

Zhat Northwest Territories gwizhit łehte’tr’ehdeelyaa kat chan gogwitr’it eenjit gihk’atr’ahaandal geenjit gwik’it gwiheelyaa ts’at jidii tseedhoh giiniindhan goodinehtł’ee’ akoo diinch’ii geenjit akoo ts’at jidii ginjih gwiinchii gogwaatsii geenjit gwitr’it aii tthak hah goots’at tr’igiinjii geenjit gwiheelyaa.

Juk Gweendoo Dagoonch’uu

August 2022 ts’at March 2023 gwits’at tthak łoo dinehtł’eh srinatr’igwilii eenjit goontł’ahohchal eenjit goo’aih.

Jidii Tseedhoh Gwiheelyaa

Dinehtł’eh srinaolih ji’ aii tł’ee tseedhoh $1,000 goonlii nekhwets’an gwiheelyaa gwik’it goo’aii. August 2022 ts’at March 2023 gwits’at tthak gohthan ohłii, dinehtł’eh neekaii eenjit.

Ndoo gwinyaa’aii

Gwitr’it gwiheelyaa gwichih sriinanh ihłak goontl’ahohchal ji’ geenjit giiniindhan.

Juudin Gadhan Heelyaa

• NWT gwizhit łehte’tr’ehdeelyaa kat eenjit juu gihk’atr’aanjii gwizhit t’agiinch’uu tthak ts’at gooveenjit gwiheelyaa, jidii gwitr’it nihłinehch’i’ tthak gihk’atr’aanjii, ginjih gahtsii łiljil gwizhit duuleh sriigwandaii eenjit ginjik, nehsrijahch’uu eenjit ginjik, gogwinii’ee eenjit ginjik, ginjih tr’adaaghoo eenjit ginjik, chii hah tr’oo’aii eenjit ginjik, gehkhee ts’at yee’ok diinagoo’ee eenjit ginjik tthak łoo zrit akoo ts’at iitsii ganadhindaii kak Microsoft, Zoom, GoTo Ginjih Tr’adaaghoo, Adobe Acrobat akoo diinch’ii tthak gehkhee ts’at iitsii giinkhii smartphone gigahnuu akoo ts’at tablet gigahnuu hah.

Nits’oots’at aii eenjit goodohkat

1. Aii dinehtł’eh iitsii ganadhindaii zhit nanohchuh. Gohthan ohłii geenjit gok’anohtii.
2.  Aii dinehtł’eh srinaohłii gehkhee ts’at jidii geenjit giiniindhan tthak goontł’anaochuh.
3. Jidii tthak gwidhohtsaii tł’ee jii gwits’at chidhoh’ee:
   • Email: indigenous_languages@gov.nt.ca
   • Fax:  1-867-873-0109
     ATTN: Interpreter Translators Funding Program, Indigenous Languages and Education Secretariat – Email ohtsii geenjit diinjigizhit indigenous_languages@gov.nt.ca akwah ji’ tł’yah zhit 867-767-9346 nekhwedinehtł’ee’ goots’an dhohtsaii ji’ tł’ee.
   • Dinehtł’eh goontl’aohchuh ji’: Interpreter Translators Funding Program, Indigenous Language and Education Secretariat, Education, Culture and Employment, Government of the Northwest Territories, P.O. Box 1320, Sriitsoonjik danh, NT X1A 2L9

Nekhwets’at Ginohkhii

Jii Łehte’tr’ehdeelyaa kat eenjit tseedhoh gwiheelyaa geenjit tth’aih hee gaviidandai’ nohthan ji’, indigenous_languages@gov.nt.ca akwah ji’ tł’yah zhit 867-767-9346 ts’at ginohkhii.